انا الاهلي كلمات اغنية
انا الاهلي اللى كان والحاضر
انا الاسم اللي هز جبال
من الاول لحد الآخر
هيفضل مصنع الأبطال
انا قد الحياة وتحدي
ولسه عندي قوة وعندي
اعدي الف سد واعدي
اقوم واطلع واهد جبال
انا الاسم اللى لف الدنيا
وماضي تشيرتي في اليابان
بطل عدى حدود افريقيا
ولسه في قلبه حلم كمان
في ظهري ومن سنين قواني
قلوب ادت كتير علشاني
انا الاهلي اللى صان العشرة
دهب مش قشرة ولا بهتان
بدايتي وكانت كده, بنيت في سنين كل ده
ولسه في اكتر من كده سنين وهبنيها
انا اللي هكمل كمان, في ظهري كتير من زمان
معايا جماهيري بتسند بيهاا
اهلى اهلى اهلى
انا الاهلي اللى ربى وعلم, بكلمة حب مسموعة
وجيل من بعد جيل بيسلم, ورايته تملي مرفوعة
انا النجم اللى فوق في العالي
انا اللى مافيش ايدين وصلالي
انا روح الفانلة الحمرا, وانا الناس اللى عايشالي
انا الاهلي اللى سابق دايما , ودايما سكتي قصادي
ومهما الدنيا بتعطلني, بوصل برده في معادي
لا قدرت يوم ظروف تحبطني, ولا صوت عالي بيسكتني
انا صوتي اللى لف الدنيا ولسه بيعلى وينادي
بدايتي وكانت كده, بنيت في سنين كل ده
ولسه في أكتر من كده سنين وهبنيها
انا اللي هكمل كمان, في ظهري كتير من زمان
معايا جماهير, بتسند بيها
اهلى اهلى اهلى
انا الاهلي اللى كان والحاضر
انا الاسم اللي هز جبال
من الاول لحد الآخر
هيفضل مصنع الأبطال