أغاني مصرية

كلمات اغنية جابوا سيرته مكتوبة اصالة

اغنية جابوا سيرته اصالة

كلمات اغنية جابوا سيرته مكتوبة اصالة

جابوا سيرته في وسط موضوع قولت اسمع
قولت يمكن احن تاني ويمكن ارجع

والكلام جاب بعضه فجأة قولت اركز
قالوا عايش عادي قالوا كلام ينرفز

سمعت عنه حاجات ياريت ما سمعتها
بيقولوا قابل واحدة بعدي وحبها

حاولت اتوه في الكلام على قد ما اقدر
مش عايزة اسمع حاجة عنه وعنها

كان نفسي اهرب من كلامهم
خفت امشي لا ياخدوا بالهم
ولو مشيت يبان عليا

واخاف لا ضعفي يبان في عيني
يا ارض انشقي وابلعيني قبل ما يبان اللي فيا

جابوا سيرته في وسط موضوع قولت اسمع
قولت يمكن احن تاني ويمكن ارجع

وقفت حياتي كلها في اللحظة ديا
وكأني تايهة ودنيتي بتلف بيا

من ارتباكي وحزني وكنت بداري وشي
قولت اعذروني انا لازم اخد بعضي وامشي

وهي دي الجملة الوحيدة اللي قولتها
وسمعت صوت بيقول سيبوها لوحدها
وتعدي كل الذكريات قدام عنيا
معقول خلاص كل اللي كان بينا انتهى

كان نفسي اهرب من كلامهم
خفت امشي لا ياخدوا بالهم
ولو مشيت يبان عليا

واخاف لا ضعفي يبان في عيني
يا ارض انشقي وابلعيني قبل ما يبان اللي فيا

غناء: أصالة نصري
زر الذهاب إلى الأعلى

You cannot copy content of this page

إغلاق