قصيدة يروحي الأحبهم مكتوبة
يروحي الأحبهم مشوا عني اشبديه
باجر يروحي الغرب يمشون بيه
باجر ماكو رايه
على الله وع العبايه
يروحي الاحبهم مشو عني اشبديه
هسه هاي اشلون حيره
حسين حيرني وجفاني
ما معودني اعله فكده
ولا نسيته ولا نساني
استبطه عباس ومشاله
وكتله خذني ما خذاني
اسمع ونين وحوافر
ومر الصوت اعله ذاني
يا روحي اشتكولين
هاي الونه لحسين
انكسر ظهري اعله الحسين
مثل ظهره اعله اخيه
يروحي الاحبهم مشو عني اشبديه
يروحي الأحبهم مشوا عني اشبديه
باجر يروحي الغرب يمشون بيه
باجر ماكو رايه
على الله وع العبايه
يروحي الاحبهم مشو عني اشبديه
مدري اروحن مدري اضلن
مدري والمدري اشيحلها
آخ يا روحي الغريبه
الما لها قسمه وياهلها
اشلون اطر الكوم وحدي
وهذا ليل وغربه كلها
حسين يعذرني امن اضلن
بس يروح امي شأكلها
يون ما ادري اشبي
كلبي ايكلي لحكي
مات الكالي حسين الخطيه
انا الخطيه
يروحي الاحبهم مشو عني اشبديه
يروحي الأحبهم مشوا عني اشبديه
باجر يروحي الغرب يمشون بيه
باجر ماكو رايه
على الله وع العبايه
يروحي الاحبهم مشو عني اشبديه
مالت الله حسين غالي
ولو ذبحو مالت الله
راح اروح ابصفه انامن
ليش عاف اعيوني غفله
ارد اكله حسين اخذني
كلبي صاير وصله وصله
غربه باجر موش اهلنه
المثل وجهك وين احصله
مهنه ابنومتك هاي
امبارك راسك وياي
مو وياك يحسين
هاي اول مسيه
يروحي الاحبهم مشو عني اشبديه
يروحي الأحبهم مشوا عني اشبديه
باجر يروحي الغرب يمشون بيه
باجر ماكو رايه
على الله وع العبايه
يروحي الاحبهم مشو عني اشبديه
حسين ما ودي اعيشن
بس بناتك كاضتني
ادري انه امهن وابوهن
وانه ماعوف اليحبني
مو مثل روحك جويه
تدري احبك بس عفتني
انته محد سوه مثلك
دللتني وعذبتني
اشمحله اكبالك الموت
وانته ابنعشي زاتوت
وانه الاغفه بإيديك
موش انته اعله اديه
يروحي الاحبهم مشو عني اشبديه
يروحي الأحبهم مشوا عني اشبديه
باجر يروحي الغرب يمشون بيه
باجر ماكو رايه
على الله وع العبايه
يروحي الاحبهم مشو عني اشبديه
الدرب كله وانه اسولف
وين اجينه ووين چِنه
نركض وناس ابكفانه
ونلكه ناس امسبكتنه
ما مصدكه حسين مات
وبالبر اطشر ظعنه
هيج من الله وافزن
والكه روحي ابيت اهلنه
حلم لو طلع ياعين
اصفنج ساعه بحسين
لو من اصفن اعليه
كلشي ايموت بيه
يروحي الاحبهم مشو عني اشبديه
يروحي الأحبهم مشوا عني اشبديه
باجر يروحي الغرب يمشون بيه
باجر ماكو رايه
على الله وع العبايه
يروحي الاحبهم مشو عني اشبديه
كلمات الشاعر احمد المشرفاوي